ثقافه و فن

الفتنة نائمه لعن الله من أيقظها

و.ش.ع

بقلم/نفين كمال يحي

أنا أسمى نيفين كمال يحي أو (لبيب) ودي قصة تانيه هبقى أحكيها بعدين
والأسم الأخير اللي بيبان منه ديانتي هو الرابع محمد بعده إسم العيله ..

لكم أن تتخيلوا أن كل سنة تقريباً وأنا في ابتدائي في إمتحان الدين كانت تجيلي ورقة الدين المسيحي واقعد قدامها محتاسه مش عارفه أعمل إيه لحد ما خالتي ربنا يبارك في عمرها كانت معانا مره بتوصلنا أنا وولادها واتخانقت مع المدرسين أنهم مش بيقروا الاسم بالكامل وبيدوني إمتحان غلط
(في حين أني عذراهم والله هيوصلوا للأسم الرابع كل مره ليه يعني  )

وطبعاً كتير كانوا بيفتكروني مش مسلمه لنفس الأسباب وبالتالي كان في مفارقات كتير وأصدقاء أكتر من المسيحيين
بالإضافة أن يكون عندك أصدقاء أجانب كمان ده بيوسع رؤيتك أكتر ويخليك فاهم تتعامل إزاي وتتفهم الإختلاف قد ايه ..
ولنفس الأسباب أبويا الله يرحمه كان بيقابل نفس الظروف بالظبط وصديقه المقرب عمو نبيل كان مسيحي ..

معنديش أي مشكلة أبداً في تقبل أو التعامل مع أي حد من أي دين ولا أتمنى غير الخير والسلام للكل وده اللي ديننا الحنيف قاله وأمرنا بيه ..
وتقييم الشخص بالنسبة لي بيكون على أساس أخلاقه وأحترامه وفهمه لحدوده ..

مؤخراً زادت أوي قصة مسلم ومسيحي والكلام فيها بقى مبالغ فيه ومثير للأشمئزاز أوي في حين أننا وقت الأزمه مش بيكون عندنا وقت نفكر ده ديانته أيه.. !؟
وأظن ده كان واضح أوي في كل الأحداث اللي مرت علينا قبل كده وثورة يناير تشهد وزلزال التسعينات وغيرها كتير ..

خلينا زي ما كنا دايماً مصريين بعيداً عن خصوصية الدين ..

اظهر المزيد

مقالات ذات صلة

اترك رد


Notice: wp_add_inline_script تمّ استدعائه بشكل غير صحيح. لا تمرر وسوم <script> إلى wp_add_inline_script(). من فضلك اطلع على تنقيح الأخطاء في ووردبريس لمزيد من المعلومات. (هذه الرسالة تمّت إضافتها في النسخة 4.5.0.) in /home/asharqal/public_html/wp-includes/functions.php on line 5831