مقالات

المدعو مرتضى منصور والإرهاب اللفظي متسترا بحجاب الحصانة ..!! وهنرفعها بإذن الله إرفع إيدك فنادي الوطنية سيد سيدك ..

و.ش.ع

دكتور/ حازم خزام بالهيئة العامة للإستعلامات برئاسة جمهورية مصر العربية

علم النفس بيقولك يا مرتضى انك لما تشعر بالعجز والفشل وصعوبة التحكم في حياتك ، فإنك بتحس بالسلوى في تقبل ان مجموعة أو جهة ما لها علاقة أو سبب في عجزك، وهو أريح ليك نفسيا من تقبل أنك عاجز انطلاقا من ذاتك وسوء فهمك لوضعك وحياتك ، ويعرف هذا الميكانيزم أو الآلية الدفاعية بإسم “الانكار” ، وهو عدم الرغبة بمواجهة حقيقة الواقع لأنها مؤلمة لنفسيتك و جارحة لنرجسيتك ، وبيقودنا أيضا لميكانزم تاني اسمه “الإسقاط” وهو إسقاط العجز على الآخرين كسبب ، وكل ده بيقودنا كنتيجة في النهاية للنظرية الشهيرة المعروفة ب “نظرية المؤامرة” ، اللي في شكلها الإعتقادي الإجتماعي لما بتتمكن من شعب أو مجموعة فإنها بتتحول إلى جنون اضطهاد ، أو حالة أولية للبارانويا .

يعني الشخص ده لما تواجهه مشكله بدل ما يحاول يشوف ايه سببها عن طريق القراءة و الإطلاع مثلاً ، أو حتى التفكير فى ظروف الأحداث اللى سببت المشكلة ، بيبدأ على طول يلوم التانيين و يتهمهم ، و نادر انه يفكر فى المشكله نفسها ، و يحط نفسه تلقائيا فى خانة الصح ، و التانيين اللى أفكارهم بتختلف عن أفكاره بيحطهم فى خانة الغلط و بيعتبرهم أشرار ، وده حسب رأي علماء النفس بيكون منتشر أكتر في الشعوب الفاشلة العاجزة ، اللي بتبرر فشلها بوجود قوة أعظم بتتحكم في العالم ، ودي حاجة موجودة بشدة في الشعوب العربية على وجه التحديد .

لحد ما في النهاية نلاقي ناس زي جروب الأرض المسطحة مثلا واللي مقتنعين ان ناسا بتشتغلنا ومفيش أقمار صناعية ولا غزو الفضاء ولا أي حاجة ، أو مشجعي نادي الزمالك اللي عندهم حالة فريدة بتخليهم يورثوا المعتقد ده لمشجعيهم عبر التاريخ ، وغالبا هما اللي أطلقوا لقب الشياطين الحمر على النادي الأهلي لأنهم بيقصدوا معناه حرفيا ، حيث انهم بيعتبروا النادي الأهلي ومشجعيه هم الشياطين الماسونية اللي قاعدة تتحكم في العالم ، ومن ضمن مهامها الأساسية هي ضمان حصول الزمالك على المركز التاني ( أو أي مركز عامة بعيدا عن الأول المحجوز حصريا للأهلي ) ، وحرق دم وأعصاب مشجعي الزمالك ، مما خلى الحالة تتطور وتخلي أي حد زملكاوي اتعور مثلا فالطبيعي ان السبب في التعويرة دي واحد أهلاوي ، وهما كمان السبب في ثقب الأوزون وانقراض الديناصورات وطولة لسان مرتضى منصور .

أيها المشجع الزملكاوي احنا مقدرين خطورة مرضك وحالتك وعاذرينك ، عارفين انك مش هاتتعالج منها ومش هاتبطل تشجيع للزمالك ، خليك مؤمن ان التعريص والأخطاء التحكيمية مش بتحصل لأي فريق في العالم إلا الزمالك وبس ، اقعد بعد كل ماتش اندب واقرفنا واعمل كربلائيات واشتم في الشياطين الحمر ومشجعينهم ، اعمل كل اللي انت عاوزه لأننا ببساطة شايفينك بالتيشرت الأبيض اللي لايق عليك جوة مصحة نفسية ، فاتح بقك اللي بيسيل منه خيط لعاب ، وماسك يافطة مكتوب عليها “سنظل أوفياء” .
حازم خزام بالهيئة العامة للإستعلامات برئاسة جمهورية مصر العربية

اظهر المزيد

مقالات ذات صلة

اترك رد


Notice: wp_add_inline_script تمّ استدعائه بشكل غير صحيح. لا تمرر وسوم <script> إلى wp_add_inline_script(). من فضلك اطلع على تنقيح الأخطاء في ووردبريس لمزيد من المعلومات. (هذه الرسالة تمّت إضافتها في النسخة 4.5.0.) in /home/asharqal/public_html/wp-includes/functions.php on line 5831