مقالات

الحياة في صورة!!

و.ش.ع

بقلم -نشوي الشيخ  

أول مرة تركب فيها قطار … هتلاقي فعلا صوت عجلاته على القضبان فى ودانك وصور بتمر قدام عينيك كأنه شريط سينما لحياتك زى الأفلام … كل صورة منهم باحساس مختلف وكل صورة منهم حكاية مختلفة وكل صورة منهم غيرت حياتك بشكل ما
لو فكرت للحظة هتلاقى حياتك كلها صور لمواقف مواقف فرقت فى حياتك ويمكن غيرتها 180 درجة يمكن بقيت احسن وانجح ويمكن بقيت مبتضحكش ونفسك تاهت منك فى صور قديمة … طيب مفكرتش تعيد ترتيب الصور أو تغير ترتيب عناصر الصورة … تعيد جمعها تانى تشوف الكواليس اية اللى حصل عشان الصورة تطلع كدة مش واخد بالك ان الترتيب لو اختلف كانت هتبقى احلى … لو حذفت عنصر منها او غيرت مكانه فى حياتك هتبقى احلى طيب جرب تزود اضاءة جزء فيها وتشوفة اوضح وحاول تضلم جزء تانى كدة وتخفى تفاصيلة لانه مش هيفرق … ابعد كدة شوية وبص عليها من بعيد مش ملاحظ ان فى تفاصيل كانت مضايقاك لما بعدت عنها بعدت ومش مضايقاك … وسع الكادر كدة شوف اية كان حوالين الصورة دى … ظهر حاجات حلوة كتير كانت هنا لكن عشان انت ضيقت الكادر وركزت على جزء معين بس اتضايقت وحياتك ضاقت على الجزء دة جرب كمان تبص لها من زاوية تانية … هتلاقى صورة تانية خالص الاهم والمهم اختلف لأن الصورة الواحدة زى المواقف ليها اكتر من زاوية تشوفها منها وكل زاوية بتغيرتفاصيلها
درب نفسك على انك تشوف الصورة حواليك كاملة وتعرف مين بطل الصورة الاهم واية مهم واية العناصر الفرعية حواليها اية ممكن متركزش عليه فى الصورة وتشوفه من بعيد و اية تخرجة من الصورة اساسا واية تسلط ضوءك عليه واية تبعدة عن دايرة الضوء … والاهم هتاخد الصورة من اى زاوية وفى اى وقت ولان الصورة دى هتغير حياتك فلازم تتعب وتفكر ازاى تطلعها صح ولأنها دايما هتغنيك عن اى كلام فاخرج برة بروازها عشان تشوفها هتطلع ازاى … لأن فى الآخر مش هيفضل منا غير شوية صور هتفرق فى حياة ناس تانية جاية وعشان حياتنا كلها صور عشناها وعايشنها وباقية مننا وعننا … اضحك للصورة عشان تطلع حلوة

اظهر المزيد

مقالات ذات صلة

اترك رد


Notice: wp_add_inline_script تمّ استدعائه بشكل غير صحيح. لا تمرر وسوم <script> إلى wp_add_inline_script(). من فضلك اطلع على تنقيح الأخطاء في ووردبريس لمزيد من المعلومات. (هذه الرسالة تمّت إضافتها في النسخة 4.5.0.) in /home/asharqal/public_html/wp-includes/functions.php on line 5831