التحقيقات

من هم خير اجناد الارض وانكار الذات الجيش المصرى

و.ش.ع

كتب-محمد مختار

لما قبائل الهكسوس هجمت على مصر بدون سلاح وكسروا الحدود الشرقية ودخلوا بأعداد مهولة -2 مليون تقريباً – المصريين مكنش عندهم خبر بنوعية العدو ولا متخيليين إن فيه ناس رعاع وهمج بالشكل ده. ولما الجيش المصري حارب قبائل الهكسوس الشرسة الجلفة..أغلبية المصريين ماشافوش ولا حسّوا بخطورة القبائل الرعوية الهمجية اللي كان المفروض تقضي على الحضارة المصرية للأبد.
ولما اجتمع 240 جيش مُعادي لمصر في مجدو وخرج لهم تحتمس الثالث وهزمهم فى أعنف معارك التاريخ القديم والحديث..برضه المصريين اللي ساكنين وادي النيل المستقر الطيب مكنش عندهم أدنى تصور عن دموية ووحشية العدو.
ولما التتار دخلوا بغداد وحرقوها وقتلوا رجالها وقطعوا رؤوسهم وعملوا بيها تل على مدخل بغداد وبعدها دمشق، وخرج الجيش المصري يوقفهم في عين جالوت..برضه المصريين مكنوش يعرفوا مين العدو ده وحجم شراسته.
نفس الشىء في 1956-1967-1973. المصريين مكنوش عارفين إن الجيش بيحارب العالم..أوروبا وأمريكا وكلبتهم العقور إسرائيل، ده غير ” بعض” الدول العربية الخائنة.
في 2011.. ولحد اللحظة.. برضه الجيش المصري بيحارب وبيستشهد منه وهو بيعمل نفس الغلطة التاريخية.. وهي إنه مش محسس الشعب بالخطر الرهيب وبيصد عنه الضربات.. عشان الناس تفضل عايشة حياتها عادي. لحد ما بعض فئات الشعب بقت جالسة على الإنترنت وبتقول “اتحرك يا جيش ..هات حق الشهداء”!! كل ده والرئيس بيقولهم – وبكل أدب- شوفوا البلاد اللي حواليكم.. إحنا فى أشرس معارك التاريخ على الإطلاق.. وبيحاول يخلي الناس تفهم بالمحسوس حجم الخطر. لكن برضه الجيش غلطان ..كان المفروض يوري الناس حجم الخطر عشان ال90 مليون ما يناموش الليل ..ويعيشوا في قلق زيهم زي الجيش وباقي الأجهزة الأمنية..بدل ما يناموا ويرتاحوا ويصحوا يتمطعوا ويقولوا “الجيش لازم يتحرك”

اظهر المزيد

مقالات ذات صلة

اترك رد


Notice: wp_add_inline_script تمّ استدعائه بشكل غير صحيح. لا تمرر وسوم <script> إلى wp_add_inline_script(). من فضلك اطلع على تنقيح الأخطاء في ووردبريس لمزيد من المعلومات. (هذه الرسالة تمّت إضافتها في النسخة 4.5.0.) in /home/asharqal/public_html/wp-includes/functions.php on line 5831