بقلم / جيهان نعيم اسحاق
ايه المتعة في إنك تحب او تحبي واحد مش بيهتم بيكي يعني ايه متعتك في إنه يخليكي تنامي معيطه كل يوم ولما تصحي تدخلي تراقبيه ولا تقعدي تشتكي لصحابك عليه فين المتعة في كده فهميني !!
لازم تختارى الـ يحفظ مواعيدك وتفاصيلك الـ يحترم انتى بتحبى ايه .إختاري الـ يقدرك ويفهمك قبل كل حاجة .. إختارى الـ يحسسك انك منه مُش ليه.إختارى الـ يفتخر بشخصيتك واسمك وحوارك ونقاشك قدام الناس.إختارى الـ يحترم رغبتك وميحرمكيش من حاجة بحجة العادات والتقاليد.اختاروا ناس سوية مش مرضى نفسيين ..
الحب شى مقدس مقسوم بين اتنين …لاينفع فيه غش ولا تسول ولا تحايل ولا تعيط
الحب اللى يبكيك كتير ويخليك مش شايف راسك من رجيلك …ارميه ودوس عليه
الحب اللى ميخليش ضحكتك مسمعه الجيران ..سيبك منه
الحب اللى يسندك ويقويك ويحميك ويصبرك ويسعدك ..
الحب اللى مبنى على عدم الخيانه حتى لو بكلمه هزار مع حد تانى ..بتكون خيانه
الخيانه مش سرير وجسدين ….الخيانه اعجاب من عابر سبيل بتسمعها وتسعدك …هيا خيانه
الحب لايقبل القسمه على تلاته او اربعه او اى عدد غير واحد
لو مختارتيش كده من الأول مترجعيش تندمي و تقولي ياريتني .. و لو معندكيش حُرية الاختيار ” ارفضي ”
و اصبري و اعرفي دايماً ” ان الله لا ﻳﺆﺧﺮ ﺃﻣﺮﺍ ﺇﻻ ﻟﺨﻴﺮ ، ﻭﻻ ﻳﺤﺮﻣﻚِ ﺃﻣﺮًﺍ ﺇﻻ ﻟﺨﻴﺮ ..، ﻓﻼ ﺗﺤﺰﻥ ﻓﺮﺏُّ ﺍﻟﺨﻴﺮ ﻻ ﻳﺄﺗﻲ ﺇﻻ ﺑﺨﻴﺮ “
لكن متكسريش قلبك و تهيني مشاعرك علشان حد ميستاهلكيش و اوعى في يوم تسندي على كتف مش عاوزك ” ملعونه الحنيه و الحب اللي يقلل من قيمة الناس
و نهاية كل مرحله في حياتك مش هيفضل معاك غير اللي بيحبك بجد .
