ثقافه و فنفن

عمرك حسيتش بيها

عمرك حسيتش بيها

و. ش. ع

بقلم-د. مها مصطفي

لما فاقت..لما قامت تاخد وليدها في حضنها ؟
عمرك حسيتش بيها
لما فاجئتها ملامح كانت غريبه عنها؟
عمرك حسيتش بيها
لما باتت كتير ليالي والنوم مخاصم جفنها؟
عمرك حسيتش بيها
لما عرفت الحقيقة..وفاضت الدموع علي خدها؟
عمرك حسيتش بيها
لما قالولها:احذري..المرض الوحش ييجي يهدد أمنها؟
اصله تملي يصيب اطفال كتير…زيها؟
عمرك حسيتش بيها
لما صارت تجري وتبحث..والحمل زاد فوق ضهرها؟
عمرك حسيتش بيها
لما فرحت..لما سمعت اول كلمه تقولها ببقها؟
عمرك حسيتش بيها
لما حزنت…لما ما عادت تقولها…ولا حتي كلمة زيها؟
عمرك حسيتش بيها
لما صارت تعيد وتزيد. وتملّي نابحة حسها؟
عمرك حسيتش بيها
لما كانت تمسك عكاز جدها.. وهي طفلة..لجل يسند مشيها؟
عمرك حسيتش بيها
لما سجدت..لما شافت اول خطوة..بعد ما طال يأسها؟
عمرك حسيتش بيها
لما جت تعلم..ولقيت كتير مصاعب واقفة قدام منها؟
اللي يقوللي بركة..والله دي سيبك منّها؟
واللي يقول: ليه التعب..ده ربي نصّف عمرها؟؟
واللي..سامحني..حقير…وكان بيسخر منها؟
يقوللي :ازاي..وفهميني..كيف راح هتكتب وحدها؟
عمرك حسيتش بيها
لما اخيرا لقيت ..اللي يقدر جهدها؟
لما قالولها: الله يبارك فيها. والله يبارك امها؟
عمرك حسيتش بيها
وهي تدعي ربها…الفكر يرحم عقلها؟
عمرك حسيتش بيها
وهي شايلة الهم..مشوار طويل ..ولابد تبقي أدها؟
عمرك حسيتش بيها
وهي عايشة .. وهي عارفه..إنه نسيان وتوهة…نهاية حتما منها؟
عمرك حسيتش بيها
وهي عايشة..وهي عارفه..دي راح تشوفها عجوزة…قبلها؟
عمرك حسيتش بيها
وكيف تحس؟؟ ما الابتسامة مش مفارقه وشها!!
عمرك حسيتش بيها
بالطبع لأّه..ولا عتاب…للي برّه القصة كلها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق