ثقافه و فنفن

من شهر

و.ش.ع

بقلم-د. مها مصطفي

من شهر واحد بس..كانت اكتر حاجه شاغله بالي هي اجيب ايه لسلمي في عيد ميلادها.. . عيد ميلادها يوم 10 نوفمبر…ايه اللي ممكن اعملهولها مختلف في عيد ميلادها يفرحها!!!

وابتديت افكر وارتب في دماغي ترتيبات…ومكنتش اعرف انه للقدر ترتيبات مختلفه تماما خرجت عن كل توقعاتي.
في يوم 6 اكتوبر اللي فات..واثناء المتابعه الدوريه لصورة الدم.. اتفاجئنا انها اصيبت بالسرطان……واللي عرفنا امبارح بس انه سرطان الدم الليمفاوي …الذي يستغرق علاجه ثلاث سنوات……..أتي علينا السرطان ليغير شكل حياتنا وملامحها والوانها وكل تفاصيلها……..ولقيتني من اللا وعي بتاعي بردد في مخي اغنية ذهب الليل .بس بكلمات برده مختلفه…ما هي كل حاجة في حياتي من ساعتها.. بقت مختلفة:

ذهب الليل طلع الفجر والعصفور صوصو
شاف القطة قاللها بسبس قالتله نونو
يحكي أنّ كان في فراشة حلوة صغننة
ما في جمالها…قالوا عنها: من طير الجنة
قرب ميلادها سألت أمها

: إيه راح تتمني
قالت ماما : بس حبيبتي تعيشي وتتهني
لكن جالها الوحش الغادر علشان يهاجمها
وعاشت ماما حزينة بتدعي يارب تسلّمها
ذهب الليل طلع الفجر والعصفور صوصو
شاف القطة قاللها بسبس قالتله نونو
صعب عليّه اخبّي دموعي دمعة ورا دمعة
دي كانت بعد ايام وساعات هتطفّي كمان شمعة
لكن ديّه إرادة ربي …

وربي سامعني
بدعي واناجي واقولله يارب…قلبي ما يوجعني
علي حبيبتي وضيّ عينيه واغلي ما عندي
سلمي دي هي الشمس الصافية اللي منورة بيتنا
ذهب الليل.. ولم يطلع الفجر حتي الآن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق