أخبارالطبمطبخ الشرق العربي

مقاله الاسبوع مع الدكتور احمد جليه اخصائي الجهاز الهضمي

و.ش.ع

القاهره-سهر النجدي

السيلياك
او حساسيه القمح زى بعض الناس ما بتسميهة هو واحد من امراض المناعه اللى بتصيب الامعاء الدقيقه
وهو مرض وراثى وبيجى ف اى سن
اعراضه بتظهر على شكل
الام ف البطن واسهال وانتفاخ ونقص ف الوزن وانيميا وضعف العام
ولانه بيمنع امتصاص فيتامين كا ف المريض بيكون معرض اكتر للنزيف
واحيانا بيكون فيه حكه ف الجلد

كل المشاكل دى بتكون بسبب ماده اسمها الجلوتين ودى موجوده ف الحبوب وخاصه القمح

لان فيه انزيم معين ف جسم المريض وبسبب وراثى بيعدل تركيب بروتين الجلوتين دا
ويحوله لماده بتخلى جهاز المناعه بتاعه
يهاجم انسجه الامعاء الدقيقه ويسبب لها الاتهاب
ويخلى سطحها املس بعد ما كان السطح دا مليان اهداب
وظيفتها الامتصاص
ودا اللى بيمنع امتصاص المواد الغذائيه فى الامعاء الدقيقه وخاصه فيتامنات.
A.E.D.K
وكمان بيمنع امتصاص سكر الاكتوز الموجود فى منتجات الالبان
ف بيزود البكتيريا ف الامعاء الدقيقه ويزيد التخمر
ودا اللى بيفسر ظهور اعراض الانتفاخ ونقص الوزن

اهمال المرض دا ممكن يسبب سرطان الامعاء الدقيقه
وعشان نقرق بينه وبين امراض القولون العاديه اللى بتشبهه لازم نعمل تحليل دم للكشف عن وجود الاجسام المضاده للمرض او منظار الامعاء الدقيقه
لان التشخيص المبكر والبدأ ف العلاج بدرى هايساعد كتير ف تجنب مضاعفات خطيره
الحل ايه…وايه العلاج
نبقى غلطانين لو قلنا ان بجرعه دوا او حتى جراحه نقدر نعالج السيلياك لكن العلاج
هو تغير طبيعه الاكل واتباع نظام غذائى خاص جدا
عشان نعالج السيلياك لازم مانخدش اى طعام فيه بروتين الجلوتين

الذره والارز والنشا واللحوم والطيور والاسماك والفاكهه والخضروات والبطاطا والبطاطس والالبان والبيض والزيوت كل دى اطعمه ممكن ناخدها و نستغنى بيها عن الاطعمه اللى ممنوعه تماما
زى
القمح والشعير والشوفان والمكرونه والخبز والكيك والبسكوت والبرغل والسميد والسيريلاك ومشروبات الشعير واى اطعمه مضاف ليها الدقيق

كمان لازم نقرأ كويس الملصقات الموجوده على اى طعام بنشتريه عشان نتأكد من خلوه من ماده الجلوتين
خاصه ان بقى فيه دلوقت اهتمام بدا جدا من شركات تصنيع الاغذيه والمشروبات
بس مينفعش نتخدع بالتحسن وقله الاعراض ونستمر ف اتباع النظام الغذائى على طول حتى لو اختفت الاعراض تماما

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق