أخبارتحقيقات

الطلاق الصمت

و.ش.ع

كتب_ محمد خضر

هل تعلم ان نسبه الطلاق العلنى فى مصر خلال ال سنتين الماضيين هو ١٨٠٠٠٠ حاله طلاق فى السنه

اما بالنسبة للطلاق الصامت الذى يوجد داخل المنازك أضعاف النسبة

الطلاق الصامت هو انك تبقى كاره …ورافض…الحياه مع الطرف الثانى بس مكمل علشان اسباب ثانيه خالص منها:

وجود الأولاد والإحساس بتأنيب الضمير والذنب ان حياتهم هتتشتت

عدم وجود مورد مالى للزوجه غير الزوج

الخوف من الوحدة

نظره المجتمع للرجل المطلق والسيدة المطلقه.

معنى كده اننا بنبقى عايشين فى منزل واحد …بس كل واحد فينا فى دنيا ثانيه…يعنى عيشه والسلام…يعنى بنحكم على نفسنا بالموت واحنا على قيد الحياه…ودفنا قلبنا ومشاعرنا…يعنى عايشين بجسد من غير روح

الطلاق الصامت اننا خلينا علاقتنا كلها محورها البيت والأولاد …وانفصلنا عن بعض جسديا” وعاطفيا”

الطلاق الصامت ده اصعب مليون مره من الطلاق العلنى….لانك بتعذب نفسك..وتعذب الطرف الثانى كل لحظه

كل ثانيه بنقول لبعض ..سواء بالكلام او بالفعل او بالنظرات ….

انت ولا ليك اى اهميه فى حياتى

انت مجرد بنك بيصرف

انتى مجرد مربيه للأولاد

انا سايبك فى حياتى علشان الأولاد وبس

طيب ايه اللى بيوصل العلاقه للنوع ده من الطلاق؟؟؟؟؟؟؟؟؟؟؟؟؟؟؟؟؟؟؟

١-الاختيار الغلط لشريك الحياه من البدايه

٢- عدم القدره من الاول على تفسير مشاعرنا صح .. يعنى اى احساس بنفسره على انه حب وبعد كده بنكتشف اننا مكناش بنحب من الأساس

٣- الفتور والملل فى العلاقه لأننا مجتمع لا يعرف ثقافه التجديد واى علاقه بتستمر بنفس ألطريقه بتتخنق منها وبتزهق وبتمل

٤- مفيش اى معلومات تعلمنا ازاى الست والراجل يفهموا بعض ويتفاهموا مع بعض…وازاى يتعاملوا مع بعض…وازاى يعرفوا يحلوا مشاكلهم

٥- الكارثه الأكبر

هى التربيه….اتربينا على عادات وتقاليد وموروثات دمرت حياتنا وقضت عليها

كثير مننا عنده مشاكل نفسيه وعقد … من الطفوله…من فكره الجواز نفسها ناتجه عن علاقه أمه وابوه…اخته وجوزها…واغلب العلاقات إللى حوالينا

عدم اعتراف جزء كبير من السيدات وجزء اكبر من الرجالة انه السبب الأساسى فى فشل العلاقه…وطبعا طول ما احنا ما بنعترفش بغلطنا ورامين الحمل كله على الطرف الثانى ومستنينه يتغير ….هنعيش ونموت زى ما احنا

لا يوجد صبر…يعنى الكلمه الشهيرة ( انا حاولت مليون مره وزهقت )

مفيش اى تركيز خالص على كورسات التاهيل للزواج وكورسات تحسين العلاقه الزوجيه …وبنعتبرها تفاهه وكلام فارغ ورغى على الفاضى

على فكره فى فرق كبير بين إللى بيحضر علشان يتعلم ويطبق وبين إللى بيحضر علشان يسمع وينتقد ويكابر ويقول انا بعمل كل ده ومفيش فايده

على فكره ربنا خلق الجواز علشان نعيش فى حب وسعاده وراحه بال

وليس أن نعيش حياه تعيسه وحزينه وتكون عيشة والسلام

احنا إللى بنعمل فى نفسنا كده…..

الجواز يستاهل انك تتعب وتعمل مجهود علشان عليه

تحافظ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى