دين ودنيا

إقرأ .ولا تتعجب من قدرة الله

و.ش.ع

كتب_محمود ابو اليزيد

ست جوزها ميت وكانت مخلفه طفل عنده 4 سنين .

. فراحت تعيش عند ابوها .. وابوها راجل فقير علي قد حاله .. وف يوم ف عز البرد ابنها تِعب وجتله حُمي ” سخونيه شديده جدًا ” مفيش عربيه توصلهم لاي مُستشفي حكومي ولا في فلوس يكلموا دكتور يجي يلحق ابنهم .. الست رفعت ايدها للسما وبكت وقالت ” متكسرش بخاطري يارب .. انا عشمانه فيك .. نجيلي الولد ” ! بعد دقايق جرس الباب رن .. مين جايلنا ف وقت زي دا ؟! فتحوا لقوه دكتور .. قالهم اخبار الولد ايه ؟ انا جيت ب اسرع ما يُمكن .. الست قعدت تبص لابوها وهي مبلمه ! مين طلبلنا دكتور ” !! .. كشف علي الولد واداله علاج فوري نزل درجة الحراره وبقي عال .. وجه يمشي قالهم ” حسابكم 250 جنيه ” قالوله ممعاناش فلوس .. غضب جدًا وقالهم ممعاكوش فلوس ازاي ؟! بقي انا متشحطط وجي السعادي وتقولوا ممعاكوش فلوس ! أومال بتكلموني ليه ! قالوله والله محدش مننا كلم حضرتك يا دكتور .. قالهم ازاي .. مُش دي شقة الاستاذ ” سمير المُرشدي ” .. قالوا لا يا افندم الاستاذ سمير ساكن ف الشقه اللي فوقنا !! .. قال سُبحان الله .. سُبحان من ساقني اليكم بسبب عشمكم فيه .. ونزل الدكتور صرفلهم الروشته وبعد لما عرف ظروفهم عملهم مرتب شهري 1200 جنيه .. ويزيد 200 كُل سنه مدي الحياه . !!

احد علماء المُسلمين .. كان اسمه حاتم الاصم ..راجل مشهور جدًا بانه صالح وتقي .. بس مكنش حيلته حاجة. بيصرف علي بيته اليوم بيومه .. وف يوم اشتاق انه يحج.. فأصحابه اتصرفوله فـ ركوبه يروح يحج معاهم عليها .. فـ راح لزوجته واولاده .. وقالهم انه نفسه يحج .. صرخوا وقالوا هتسيبنا لمين ؟!! هنلاقي ناكل منين !! مينفعش تمشي .. ردت اصغر بنت ف بناته .. وقالتلهم ربنا الرزاق مُش أبي ! اذهب يا ابي وتوكل علي الله .. فمشي .. وجه تاني يوم مفيش فـ البيت لا اكل ولا فلوس .. فضلت زوجة حاتم واولادها يلوموا علي البنت ازاي تسيبي ابونا يمشي ! ادينا مُش لاقيين لقمه ناكلها .. البنت حزنت حُزن شديد ورفعت ايدها للسما وقالت يارب لا تخذلني أمامهم ولا تُخيب عشمي ورجائي فيك .. يمر الوقت ويجي عليهم الليل .. وكان في فارس راكب حُصانه ومعاه جنود ” الحرس بتوعه ” .. وواضح انهم قطعوا مسافة سفر طويله .. ومكنش معاهم ميه يشربوا .. عطشانين جدًا .. ف الفارس خبط علي باب بيت ” حاتم الاصم ” ففتحت الباب بنته .. فالفارس طلب منها شوية ميه يشربوا .. ” طلب الحاجه الوحيده اللي متوفره ف البيت ” ! البنت دخلت وجابت للفارس اناء ميه يشرب هو وحُراسُه .. وبعد لما شرب .. قال الحمد لله .. وطلع من علي ضهر الحُصان كيس مليان دهب ” ! وقام حادفه علي باب بيت ” حاتم الاصم ” وبص للحرس بتوعه وقالهم ” من كان يُحبني فيكم فليفعل مثلما فعلت ” فكل واحد منهم طلع كيس مصنوع من قماش مليان دهب ورماه علي باب بيت حاتم الاصم !! وكان الفارس دا ” هو امير المؤمنين أبي جعفر المنصور .. حاكم بلاد المُسلمين في ذلك الوقت . !!

نقول تانى…

العشم في الله يا جماعه .. العشم في ربنا والظن فيه مبيخيبش ابدًا .. خُش بكُل تُقلك وقوتك علي ربنا وادعي .. اصرخ بقلبك وقول يارب .. ربنا مبكسفش حد ” وقال ربكم ادعوني ” مقالش للصالح .. مقالش للمؤمن .. قال لكل الناس ادعوني .. انا ربكم ملكمش غيري .. عشمانه بزوج صالح ؟ قولي يارب … عشمان تنجح وتتوفق مهما اهملت قول يارب واتعشم ف ربك .. ربنا ضهر .. قوي .. شديد .. مبيحسبهاش .. بيدي بدون انقطاع .. متيأسش من رحمته .. متيأسش من كرمه .. ربنا تبارك وتعالي عظيم .. أعظم من انه يردك ويقولك معنديش .. وامنيتك لما يحققها مُش هتقلل من مُلكه شيئ .. ممكن يأخرها بس مبينسهاش لاما يحققها لاما يعوضك بافضل منها .. ربنا مبيقفلش بابه بعد الساعه 2 الصُبح ويقولك شطبنا ! لكن بيقولك اي وقت قول يارب وهسمعك وهستجيب .. يارب .. ملناش غيرك .. متخيبش ظنونا .. ولا تكسر بخاطرنا .. ولا تحرمنا من عشمنا فيك

اظهر المزيد

مقالات ذات صلة

اترك رد


Notice: wp_add_inline_script تمّ استدعائه بشكل غير صحيح. لا تمرر وسوم <script> إلى wp_add_inline_script(). من فضلك اطلع على تنقيح الأخطاء في ووردبريس لمزيد من المعلومات. (هذه الرسالة تمّت إضافتها في النسخة 4.5.0.) in /home/asharqal/public_html/wp-includes/functions.php on line 5831