ثقافه و فنشعر وادب

حنين الكبار

و.ش.ع

بقلم-د.صالح العطوان الحيالي

جدتي شكد كانت حنينة
على ايديها تربينة
وتنومنا بحضنها وتدفينا
وجدة هسة ما تسأل
على احفادها
وما تكلهم شلوننكم
جدة هسة
ملتهية بالفيس
والبرستيج
والنفخ والشفط
جدتي شكد حلوة جدايلها
فوطتها بيضة
ريحتها مسك
ومن تزعل تكلي ولك
ومن تفرح تكلي هاي الك
جدتي تخبي النا الأكل بالكوارة
جدتي ما تنطي ابد بينة
تخبينا تحت عبايته
من ننام تلوليلنة
وتكعد من الصبح تغني النا
بس وسفة جدتي بهالوكت
ماعادت تغني النا
جدي الحنين
كطع ما عاد يمر بينة
هم انتو كبارنا غيركم الزمن
لو الطبع تغير بينة
الله يرحم طيبتكم كبارنا
على المحبة ربيتونة
وعلى الصدق علمتونة
وعلى الوفاء درستونة
وعلى الإخلاص دربتونة
وعلى حفظ الأمانة علمتونة

اظهر المزيد

مقالات ذات صلة

اترك رد

%d مدونون معجبون بهذه: