ثقافه و فنشعر وادب

قصيدة غيرة رجل

و.ش.ع

بقلم_ساميه أبو الغيط .

بغير عليكِ بجنون
وبحبك أنا المجنون
بغير عليك من نفسك
ومن حسك ومن لبسك من كل عين باصة عليك
من كل حد قريب منك
بغير عليك من كل اللي حواليك
صدقيني أنا المجنون في حبك
أنا العاشق لقربك
بغير يا حبيبتي عليك
حتى من نفسي
وأداري عليك برمشي
وأخبيك جوه إحساسي
سامعة صوت نبضي سامعة دقات قلبي بتهتف دايما باسمك ف بعدك الألم صابني
وف قربك الغيرة تقتلني
أصعب شعور لما تجرحيني وتنسي كل حكاوينا افتكري دايما غناوينا وحبنا وخطاوينا
غيرتي عليك يا حبيبتي أقوي من الحب نفسه
ليه دايما بحس انك بتعشقي تعذيبي غيرتي عليك بتكويني
غيرتي عليكي اكبر دليل على عشقي الحب مش شك والغيرة مش سهلة دن أنت وأنت جنبي بحس إني عايش ليك وحدك مش لحد تاني واعتبريه إنه أعلى أنواع العشق
بغير عليك من عابر سبيل سمع صوتك و ضحكتك وابتسم
وعلى وشه السعادة لما يشوفك تترسم
حتي بغير عليك من نفسي ومن مكان كنت فيه وأنا مش معاك
بغير عليك من ماضي كان بيؤلمك من صورة ف ألبومك مشوفتهاش
بغير عليك من كل البشر بلاش ترهقيني وتعذبيني

حبيبتي غيرتي ليك عايشها بكياني حبك بقلبي بيواسيني ف وحدتي ولهفتي عليك ملهاش حدود ياكل دنيتي
غيرتي عليكي أحسها وردة كل يوم بتكبر في فؤادي بس نار الغيره في قلبي مش مهنياني ولا هرتاح غير لما تبقي كل حياتي وأنا حياتك وأنت دنياي وأنا دنيتك
.. قصيده من تأليف الشاعره ساميه أبو الغيط .

اظهر المزيد

مقالات ذات صلة

اترك رد

شاهد أيضاً
إغلاق
%d مدونون معجبون بهذه: